El govierno local por medio del “General Service Office” (GSO) esperansao pone mga basurahan cada 50 metros na “heritage walk” na R.T. Lim boulevard, este ciudad.
El ponida del mga basurahan na R.T Lim Boulevard ya vene despues del orden del Alcalde John Dalipe para sustene con el limpiesa na ciudad.
Asegun con Engineer Rene Dela Cruz el ponida del mga basurahan amo para tene propio lugar onde buta basura y para tene buen limpiesa y sanitacion.
Si Dalipe ya ase llamada con mga residentes del ciudad para coopera y suporta con el programa de limpiesa del govierno local.
Asegun con Dalipe el programa amo para menora el mal efecto del basula na salud del hente y media-ambiente.
Mucho quien ya observa cay el basura ya contribuji mucho na mas reciente avenida que ya ocuri na ciudad. (B. Garcia, photo courtesy of GSO)