El “Archery team” del ciudad de Zamboanga ta continua gana medalya na “Asean Youth Archery Championship Open” que ta conduci na ciudad del Cebu.
Asegun con Dr. Cecil Atilano, el “sports development officer” de ciudad, cay si John Ross De Sosa ya gana otro medalya de plata na categoriya del “under 21 Olympic Round.”
Myentrastanto, asegun con Atilano cay canda Ynjel Mickaella Gimena y Diong Cedrick Marquez ya gana medalya de bronze na catergoriya “under 21 Recurve Bow” para na “Mixed Team event”.
El govierno local bajo el liderato del Alcalde John Dalipe ya extende el felicitacion con el mga atleta de archery del ciudad especialmente con aquellos quien ya gana medalya.
Ya comenda tamen si Dalipe con el mga coaches del team por el buen acomplisimiento de ila na competicion internacional. (B. Garcia, photo courtesy of Dr. Cecil Atilano, Head of City Sports Development Office)