Un bien “wanted” persona el ya aresta el pulisiya local na un “law enforcement operation” aqui na ciudad de Zamboanga.
Si Police Colonel Alexander Lorenzo, el Zamboanga City Police Office director, ya nombra con el arestao wanted persona como si Rachel Rojas alias Dan, 70 años el edad.
Asegun con Lorenzo cay con Rojas ya aresta por medio na implementacion de un orden de aresto mga alas 2 del Biyernes tarde na Zone 3, Sitio Kaburihan, Barangay Maasin, este ciudad.
Asegun con Lorenzo si Rojas tiene pendiente orden de aresto por el asunto de “four counts statutory rape” sin recomendao piansa ya dale el un jusgado del ciudad de Zamboanga del Agosto 16, 2023
Con Rojas ya pone bajo na custodiya del Criminal Investigation and Detection Group para el propio disposicion. (B. Garcia)