Maga operativa del Criminal Investigation and Detection Group (CIDG) hunto con otro personajes del pulisya ya aresta con un persona y ya confisca siento ochenta’y siete mil quinientos pesos valor de smuggled cigarillo alla na provincial del Lanao del Sur.
Asegun con el Area Police Command-Western Mindanao (APC-WM) con el arestao persona ya conose como si Aliakbar Lailah, veinte siete anios el edad y residente de Barangay San Jose ciudad de Pagadian City na provincial del Zamboanga del Sur.
Asegun con el pulisiya cay con Lailah ya arresta maga alas ocho y media del Martes aga na in campanya contra smuggling na Barangay Matampay na municipio de Balabagan, Lanao del Sur.
Asegun con el pulisiya cay con Lailah cay cuji ta maneja un vehiculo ta lleba trese cahon de cigarillo sin document que tiene valor de siento ochenta’y siete mil quinientos pesos.
Si Lailah, el confisca cigarillo y vehiculo ta esta bajo el custodiya del CIDG na provincial del Lanao del Sur. (Bong Garcia)