El govierno local ay conduci el aka-veinte seis “Basic Sports Summer Camp” o el programa del “Learn to Play a Sport” principiando na Hulyo 1 hasta Hulyo 31 este año.
Asegun con Dr. Cecile Atilano, el hefe del oficina de division de deportes del ciudad, el programa amo para descubri mga nuevo atleta con buen talento de deportes.
Bajo el programa, ay dale el govierno local libre entreno na mas de veinte clase de juego como el archery, arnis, athletics, badminton, baseball, softball, basketball, boxing, chess, dancesport, football, futsal, gymnastics, judo, karatedo, muay thai, pencak silat y sepak takraw, swimming, table tennis, taekwondo, tennis, volleyball, weightlifting, wrestling y wushu.
Asegun con Atilano cay abierto y libre el programa de deportes para na maga jovenes siete hasta kinse años el edad.
Aquellos quien interesao participa na programa puede ustedes llama o visita na oficina de Atilano para registra.
El registration ay principia na Hunyo 1 hasta Hunyo 15, este anio. (B. Garcia) (Photo Courtesy of City Hall PIO)