Un persona el ya aresta myentras valor de P68,000 shabu el ya confisca maga otoridad na un operacion contra droga ilegal aqui na ciudad de Zamboanga.
El oficina del pulisiya rehyonal ya nombra con el arestao suspechao como si Marc Fortunato Guerrero, 36 años el edad y residente de Callejon, Barangay Guiwan, este ciudad.
Asegun con el pulisiya cay con Guerrero ya aresta mga alas 8:32 Martes denoche na Sitio Presa Mayor, Barangay Tumaga, este ciudad.
El pulisiya ya habla cay ya puede confisca na posesion de Guerrero 10 gramos de shabu que tiene el valor de P68,000, un portamoneda, un motorsiclo, y P1,000 markao sen.
El arestao suspechao bajoa hora na custodiya na quartel del pulisiya local. (B. Garcia)