El gobierno del ciudad ya aloca fondo na presupuesto suplementario del 2024 para compra 10 track de basura para ayuda mejora el servicio de colecion de basura na ciudad.
Este despues que 26 del 90 trak de basura que ya entrega el de antes administracion na diferente barangay del 2019, actualmente inservible y ireparable.
Sin embargo, cuatro trak el bajo’l repara orden de trabajo mientras otro cuatro el bajo en reparacion interna, depende pa si tiene piesa, asegun con Gerry Pollisco, el oficial asistente de medio ambiente y recursos naturales del ciudad.
Si Pollisco ya habla del Miercoles, el descomposicion del mga trak de basura ya altera el coleccion de basura na ciudad.
Si Pollisco ya habla, el mga afectao barangay ya reclama cay el mga trak de basura que queda malo apenas man uno o dos años despues de entregar canila.
Ta suspecha el mga oficiales del mga afectao barrio cay hinde real el clase de trak ya dale canila y nohay mga piesa el facilmente disponible. (B. Garcia)