El mga autoridad ta conduci investigacion para determina si quien el responsable na explosion de bomba na municipio de Tipo-Tipo, Basilan, asegun con el policia del Miercoles.
Asegun con el policia, el explosion ya ocuri mga alas 8:56 del Martes denoche serca na mini-gimnasio na Barangay Tipo-Tipo proper, Tipo-Tipo, Basilan.
Asegun con el policia, nohay quien ya desgracia o sinti duele durante el incidente puera lang con el diutay destroso que ya causa corral del municipio del Tipo-Tipo.
Base na investigacion del policia, con el explosiva que rebenta ya gueria el dos desconocidos personas muntao na un motorciclo que ya pasa serca na mini-gimnasio.
El mga autoridad na Tipo-Tipo ta cre que el incidente tiene que hace na continuando actividades del gobierno municipal cada dia en preparacion para el celebracion del festival de Tipun-Tipunan na otro semana.
El policia ya conseja con el mga residentes de Tipo-Tipo para esta calma pero vigilante hablando el mga autoridad tiene todo control del situacion. (B. Garcia) Â