Dos suspechao el ya aresta y P6.9 milyones cantidad de droga ilegal ya confisca mga otoridad na provincia del Lanao del Sur, asegun con el pulisiya.
Asegun con Police Colonel Robert Daculan, el director del pulisiya na Lanao del Sur, con el mga aresta ya conose como canda Rahib Cayugan, 45 años y si Norain Gunda, 45 años el edad.
Si Cayugan un residente de Barangay Making, Parang, Maguindanao del Norte y si Gunda residente de Barangay Pindolunan, Butig, Lanao del Sur.
Asegun con Daculan con el dos suspechao ya aresta na un “buy-bust operation” mga alas 2:30 del Martes tarde na Barangay Gadongan, Marawi City, Lanao del Sur.
Si Daculan ya habla cay ya puede confisca na posesion del mga suspecha 1,025 gramos de suspechao shabu con el valor de P6,970,000, markao sen ya us ana buy-bust operation y dos vehiculo.
Si Daculan ya habla cay ya detene con el mga arestao suspechao en preparacion para el plantada del formal asunto contra canila dos por violacion del “Comprehensive Dangerous Drugs Act of 2002”.
Con el dis suspechao ya aresta mga personajes del pulisiya del Lanao del Sur y mga operativas del Philippine Drug Enforcement Agency. (B. Garcia)