Valor de P6 millones propiedad de escuela el ya destrosa na un incidente de incendio na ciudad de Zamboanga, asegun con el Zamboanga City Fire District (ZCFD) del Sabado.
Asegun con Superintendent Christopher Morales, del marshal del ZCFD, el incendio ya ocuri mga ala 1:59 del Sabado aga na Calle Pura Brillantes, Barangay Zone 2, ciudad de Zamboanga.
Asegun con Morales, el incendio que ta alcansa na segundo alarma ya destrosa con el escuela del puericulture del ciudad de Zamboanga.
Si Morales ya habla, con el incendio ya puede controla mga alas 2:26 del aga y completamente ya puede apaga mga 2:58 del aga el mga bombero.
Asegun con Morales, ta continua pa de ila investigacion para determina el verdad causa del incendio. (B. Garcia)