Gibawian sa kinabuhi an duha ka driver sa gimanehong motorsiklo human kini aksidenting nagka dinasmagay nga nahitabo kagabie, Nobyembre 29, 2024 sa may Km. 8, Brgy. Bonifacio, syudad na Surigao sa alas 10:15 nan duyom.
An mga nalambigit isa ka XRM 125 na motorsiklo nga gimaneho ni Benjie Bicala Hayo, 21 anyos, gasoline pump boy, residente sa Purok 3, Barangay Mapawa.
Yamaha Aerox na may plate no. ZEG 849 nga gimaneho ni Jessie Supero Besnar, 34 anyos na layaki, menyo, residente sa Purok-5, Barangay Sabang.
Sa imbestigasyon nasayran nga pag abot sa kurbadahon na dayan sa may Km. 8, Brgy. Bonifacio aksidenting ni tipas sa pikas dayan an driver sa Yamaha Aerox ug aksidenting naka sungag an nagsingabot nga driver sa XRM 125.
Parehong damage an duha ka motorsiklo hampan an duha ka driver samaran isab sa disgrasya nga parehong gidaya sa Caraga Regional Hospital.
Gideklara nga dead on arrival an driver nga si Benjie Bicala Hayo hampan isa ka oras nga pagka-confine, namatay isab an driver sa Jessie Supero Besnar nga gikompirmar sa attending physician.
Sa pagka kuman an duga ka motorsiklo an jaon sa kustodiya sa Surigao City Police Station. (Mark James Lisondra)Â