El mga escogido personajes del 11th Infantry Division (11ID) ya esta bajo de dies dias capacitacion de orientacion fluvial para mejora el capabilidad de seguridad maritima na provincia del Sulu, asegun con el militar del Miercoles.
Asegun con el 11ID, el capacitacion de orientacion fluvial ya conduci el mga personajes del 6th Special Forces Battalion (6SFBn) desde Marso 14 hasta Marso 24.
Asegun con el 11ID, el capacitation es parte del iniciativas de defensa teritorial del Joint Task Force (JTF)-Orion na provincia del Sulu.
Como un unidad con capacidad fluvial, el 6SFBn ta garantiza el preparacion para el mision de respuesta de crisis dentro na dominio maritimo del Sulu por medio de ejercisios continuos de operaciones fluviales y patrullas fluviales regular.
Ademas, el 6SFBn ta proporciona entrenamiento con mga fuerzas regulares sobre temas peculiares de operaciones de fuerzas especiales, mejorando el habilidades y proficiencia del otro fuerzas bajo el JTF-Orion. (B. Garcia)