El mga autoridad ya aresta con cuatro Chino empleao na un compania ta fabrica catol na provincia del Norte Cotabato por causa ta trabaja sila sin valido permiso de trabajo, aegun con el militar del Miercoles.
Asegun con el 6th Infantry Division (6ID), con el cuatro Chino ya aresta el combinao fuerzas de seguridad del Lunes na Barangay Nueva Vida, M’Lang, Norte Cotabato.
El mga autoridad ya identifica canila como canda Liu Dezhen, Tang Zhongyi, Tianpei Wu, y Wang Lian Xu, mga empleado del Alpha Household Miscellaneous Chemical Products Manufacturing na Barangay Nueva Vida.
El mga arestao Chino nohay resisti aresto durante un ataque que ya conduci el 6ID, Buro de Imigracion, Oficina National del Investigacion, Agencia Filipina de Control de Drogas, y policia local.
Si Teniente Coronel Roden Orbon, el portavoz del 6ID, ya habla ta determina el Buro de Imigracion si deporta canila pendiente el investigacion.
Asegun con Orbon, el cuatro arestao Chino envuelto tamen na actividades fraudulentas y smuggling pero nohay proporciona especificos informacion.
El Buro de Imigracion y Oficina Nacional del Investigacion ya confirma cay nohay lang sila propio permiso de trabaja que ya resulta na de ila aresto. (B. Garcia)