El mga autoridad ya aresta con un empleyado de gobierno y su cohorte y ya confisca P3.4 millones valor de droga ilegal na un operacion contra droga na Bangsamoro Autonomous Region in Muslim Mindanao (BARMM), asegun con el Philippine Drug Enforcement Agency (PDEA) del Jueves.
El PDEA-BARMM ya identifica con el mga arestao suspechao como si alias Alex, 42 años el edad, un miembro del fuerza de seguridad provincial na Lanao del Sur, y su cohorte, si alias Muning, 33.
Asegun con el PDEA-BARMM, el dos arestao suspechao clasificao como mga individuales de alto valor, o High-Value Individuals (HVIs).
Asegun con el PDEA-BARMM, con el dos HVIs ya aresta na un operacion de compra busto mga alas 2 del Miercoles
tarde na Barangay Poblacion, ciudad de Marawi, Lanao del Sur.
Asegun con el PDEA-BARMM, ya confisca na posesion del dos HVIs mas or menos 500 gramos de suspechao shabu enpaquetao na cinco transparente plastico sobrecitos que tiene el valor de P3,400,000, dinero de compra busto, dos celpon, varias tarjetas de identificacion, y un motorciclo.
Asegun con el PDEA-BARMM, con el dos arestao suspechao temporariamente ya detene na de ila carcel en preparacion para el plantada del asunto contra canila por violacion del Ley Integral de Drogas Peligrosas. (B. Garcia)