Ya extende ayuda el Department of Social Welfare and Development (DSWD) con mga victima de ensendio o kema na Paseo de Tambucho, Barangay Camino Nuevo, aqui na ciudad del Zamboanga.
Asegun con Riduan Hadjimuddin, el director rehyonal del DSWD, cay ya distribuji sila del Lunes tarde con mga victima del kema mga enpaketao comida, cosas para dormir, “hygiene kits” y “modular tents”.
Base na mas reciente lista del City Social Welfare and Development Office tiene el total de 223 familyares el afectao na kema que ya ocuri del Domingo denoche na Barangay Camino Nuevo.
Asegun con Hadjimuddin cay el ayuda ya extende el DSWD ya distribuji na “covered courts” del Barangay Camino Nuevo y Canelar, que ya sirvi como centro de evacuacion del mga victima del kema.
Asegun con Hadjimuddin, ay continua sila bisia con el condicion del mga victima del kema na centro de evacuacion para atende el de ila mga necesidades hasta puede sila bira na normal vida.
Puera con el DSWD, ya extende tamen ayuda el govierno local y otro mga agencias de govierno y organisasyon civico con el mga victima del kema.
Durante el kema del Domingo denicho, dos personas el ya iri y serca dos sientos casa el ya man uput na fuego.
Con el fuego ya puede apaga completamente mga bombero madrogda ya del Lubnes. (B. Garcia, photo courtesy of DSWD-9)