Un barrio na municipio del Guipos na Zamboanga del Sur ay tene ya un facilidad donde puede esta mga vivientes afectao na un natural calamidad.
Ese el barrio de Guling donde ta construji con el mas de P1.1 milyones cantidad de facilidad como un centro de evacuacion, asegun con el anuncio del Department of Social Welfare and Development (DSWD) del Lunes.
Asegun con el DSWD cay ta implementa ya con el proyecto siguiendo el ceremonya de “groundbreaking” del facilidad ya ase del pasao Huwebes.
Con el ceremonya ya encabesa si Engineer Vicente Cajeta, el alcalde del Guipos y mga oficiales del municipio, DSWD, y del barangay Guling.
El construccion del facilidad de evacuacion ya ase posible por medio del P1,119,836.59 fondo dese’l Kapit-Bisig Laban sa Kahirapan-Comprehensive and Integrated Delivery of Social Services (Kalahi-CIDSS) del DSWD con fondos de contrapartida de P50,000 desde’l Barangay Guling y P5,000 desde’l govierno municipal.
Asegun con el DSWD cay mismo mga residentes de Barangay Guling amo el ya escuji con el clase de proyecto para tiene sila lugar onde puede esta si ay tupa calamidad na de ila barrio. (B. Garcia, photo courtesy of DSWD-9)