Ya conduci assessment y validation el personahes del DSWD Field Office 9 na maga ya sale afectao na fuerte avenida na cuantos maga barangay del Sabado petsa deci seis en este mes.
El mencionao ahensya por medio del DRMD ya visita con el Barangay de Talisayan hunto con el oficina del ZCSWD.
Ya ekstende maga hygiene kits y sleeping kits el Field Office na maga familia que ya sale afectao na fuerte avenida, ya dale tambien maga packed meals y food packs el Govierno Lokal del ciudad.
Ta esta tambien preparaw el Regiona Quick Response Team del Field Office IX estaba na diperentes maga lugar para conduci y dale mas pa del maga impormasyon y updates aserca el situacion del maga residente quien ya sale afectao na avenida.
El mencionao oficina ta dale aviso que maskin kosa dia o hora, ta continua el DSWD Field Office IX ekstende asistensya y dale updates aserca el situacion del maga vivientes durante el mal tiempo que ta ekspiriencia el ciudad. (Erica B. Javier)