Alas cuatro del madrogada de patsa deci seis del Hulyo dos mil veinte dos, el maga personahes del 2nd ZCMFC na liderato di PLT Ariel F. Jolatoria hunto con el BOC, CISS y ESS ya conduci un seaborne patrol siguiendo el conducimiento del Minor ISO OPORD 07-02 “TARPON” na Manalipa Island.
El mencionao operation tambien para intensifica el border control contra na maga ilegal entrada y smuggling activities na Manalipa Island en este ciudad.
El opersacion ya resulta na aresto del un motorized wooden watercraft o mas conocido como “Jungkong” con marka “MPB King” kolor blanco con asul que ta dwenya el asegun Pajarama Nurhajad abordo con syete crew members.
El syete persona abordo ya conocse como si (1) Benzar Jajales, cuarentay otso años de edad, ombre, kasaw y residente de Indanan Sulu. (2) Pajing Muknan, veinte nueve años de edad ombre, kasaw y residente de Parang Sulu. (3) Binbin Asiri, trenta’y uno años de edad, ombre y sultero. (4) Elnejin Asiril, veinte cuatro años de edad. (5) Minkadra Sakili trenta’y nueve años de edad, ombre, kasaw y residente de Pangaturan Sulu. (6) Sherwin Masakin, trenta’y nueve años de edad, kasaw y si Adzmir Bakki, trenta’y dos años de edad, kasaw y residente de Pangaturan Sulu.
El arestao jungkong loaded asegun con ciento cuatro master cases de Fort White, Sesenta’y syete master cases de Astro Red y syete master cases de nuevo Far Red con total de Ciento setenta’y otso master cases y nuay pertinente dokumenti para suporta con el llegada del maga sigarilyo.
El maga ya acaba confisca smuggled sigrailyo tiene asegun estimao market value de Seis milyon, dos cientos trenta mil pesos.
El maga abordo crew members, el jungkong y el maga ya acaba confisca ta esta ya awra baho na kustodiya del Bureau of Customs por el propyo desposisyon. (Erica B. Javier)