El gobierno local ya entrega siete nuevo vehiculo con el “Zamboanga City Police Office (ZCPO)” pa aumenta el mobilidad del policia local na pelea contra criminalidad.
El compre del mga nuevo vehiculo en liña na promesa del Alcalde John Dalipe para reforza con el seguridad y paz y orden.
El siete nuevo obtenido vehiculo intendido para del “Special Weapons and Tactics (SWAT)” del ZCPO.
El vehiculo tiene el precio de P2.89 millon cada uno o total de P20.28 millon y ya compra usando el fondo de paz y orden del año 2023.
Si Dalipe ya entrega con el siete vehiculo con Police Colonel Kimberly Molitas, el oficial-en-cargao del ZCPO, quien ya recivi con el mga vehiculo hunto con el mga miembros de SWAT.
Si Molitas ya expresa profundo gratitud hablando el mas reciente ayuda ay aumenta el capabilidad enforza el ley para asegura el proteccion y seguridad del mga Zamboangueños.
Si Dalipe ya empatiza cay el mga vehiculo ta forma parte del continuando esfuerzo del su administracion para suporta y ayuda con el policia na de ila pelea contra criminalidad y mantene segurao y librao ciudad para con todo mga residentes.
Si Dalipe ya rindi gracias con el policia local por el de ila dedicacion de salvaguardada con el ciudad. (B. Garcia)