El gobierno nacional, por medio de Departamento de Obras Publicas y Carreteras, o DPWH, ya completa el implementacion del P70 millones proyecto de mitigacion de inuncacion para reduci el peligro de avenida na uno del 50 barrios na ciudad de Dapitan, provincia del Zamboanga del Norte, asegun con el DPWH del Miercoles.
Asegun con el oficina regional del DPWH, el proyecto de mitigacion de inundacon ya implementa na Barangay Ilaya, ciudad de Dapitan, llevando alivio con el comunidad local que por largo tiempo ta sufri contra graves inundaciones.
El DPWH ya habla, el Barangay Ilaya, conocido por su bajo elevacion, es particularmente vulnerable na inundacion que ta causa el condiciones climaticas extremas, planteando peligro ambos na vidas y propiedades.
El nuevo completao estructura tiene aproximadamente total largor de 338.40 metros y caracteristicas de sistema integrado de desague, camino acceso, y escalera para el accesibilidad y proteccion contra inundaciones.
El DPWH ya habla, el proyecto esperansao beneficia 2,873 residentes del Barangay Ilaya, ciudad de Dapitan, quien puede ya ahora resulla con alivio, como el amenazos de inundacion ya reduce ya perceptivamente.
El proyecto de mitigacion de inundacion ya implementa con P70 millones fondo desde’l Ley General de Assignaciones del 2023.
El proyecto ya implementa del oficina de Ingenieria del Primer Distrito del DPWH na Zamboanga del Norte. (B. Garcia)