Un persona el ya aresta y valor de P680,000 droga ilegal el ya confisca el mga autoridad na ciudad de Zamboanga, asegun conel policia del Miercoles.
El mando regional del policia nohay nombra con el arestao suspechao quien tiene el edad de 37 años y residente del Barangay Sta. Clara, ciudad de Lamitan, provincia de Basilan.
Asegun con el policia, con el suspechao ya aresta na un operacion de compra busto mga alas 5:06 del Martes tarde na Barangay Baliwasan, ciudad de Zamboanga.
Asegun con el policia, ya confisca na posesion del arestao Lamiteño 100 gramos de suspechao shabu enpaquetao na cuatro termosellada transparente sobrecitos plastico que tiene el valor de P680,000, y dinero de compra busto.
El policia ya habla, con el arestao suspechao ya pone bajo’l custodia del Zamboanga City Police Station 11 en preparacion para el plantada del asunto contra conele por violacion del Ley Integral de Drogas Peligrosas de 2002.
Asegun con el policia, el operacion de compra busto ya conduci el diferente unidades del pulis con el suporta del militar. (B. Garcia)