El Departamento de Obras Publicas y Carreteras, o DPWH, exitosamente ya completa con el implementacion del P23.5 millones proyecto de supersicion de asfalto y instalacion de montantes na ciudad de Isabela, provincia de Basilan.
Asegun con el DPWH-Zamboanga Peninsula, el implementacion del proyecto na Barangay Menzi, ciudad de Isabela, es parte del esfuerzo del agencia para prioriza el seguridad del conductores nocturnos.
Asegun con el DPWH-Zamboanga, el proyecto con el budget de P23,530,000 desde’l Ley General de Asignaciones, o GAA, de 2024, ta cubri el 776 metros de carril de asfaltiada que ta extende el duracion del existente cementao camino.
Para mejora visibilidad durante el viaje nocturno, el DPWH ya instola iluminado internamente, montantes solar para carreteras.
“Este marcadores de eficiencia energetica ta eleva notablemente el visibilidad del carretera, permitientdo con mga chufer navega con mas seguridad al serra’r el noche,” el DPWH-Zamboanga Peninsula ya habla na un anuncio.
“Emitiendo brillante, luces niveladas, el montantes solar ta reduci el probabilidad de accidentes na camino mal iluminado, proporcionando un capa adicional de seguridad, epsecialmente para na lejanos lugar donde limitao del luces na camino,” el DPWH-Zamboanga Peninsula ya omenta. (B. Garcia)