El Alcalde John Dalipe ya reconoce con el siete Zamboangueño weightlifters quien ya gana medalla durante el reciente 2024 Asian Youth and Junior Weightlifting Championship na Doha, Qatar.
Dalipe ya hace el reconocimiento cuando el mga atletas hunto con el de ila entrenadores ya visita de cortesia con el alcalde na Jueves tarde na City Hall.
Si Dr. Cecil Atilano, el director de deportes del ciuad, ya facilita con el visitada de courtesia del mga weightlifters y entrenadores con el alcalde.
Asegun con Atilano el mga ganadores de medalla ta include canda Aldrin Colonia (silver – snatch; gold – jerk and total – gold); Jhodie Peralta (snatch- gold; jerk – silver and total – gold); Rose Jean Ramos (snatch- silver); Alexandra Diaz (bronze medalist); Rosalinda Faustino (snatch – bronze and total – bronze); Angeline Colonia (total – silver and snatch – bronze) and Princess Jay Ann Diaz (total – fourth; snatch – bronze and clean and jerk – fourth).
<p>El mga entrenadores del mga Zamboangueño weightlifters amo canda Allen Jayfrus Diaz y Gregorio Colonia.
Si Dalipe ya expresa alegria y orgullo con el mga atletas y de ila mga entrenadores por el de ila acomplicimiento y por continuando ta lleva honor con el ciudad de Zamboanga y con el pais.
Si Dalipe ya asegura con el mga atletas cay el ciudad hay continua suporta canila y hay dale el de ila incentivos na mas posible temprano tiempo.
Si Dalipe ya habla, base na ordinansa local, el mga medalistas Zamboangueño atletas na nivel de competicion na Asia hay recive P125,000 para el medalla de oro; P100,000 para el medalla de plata; y, P50,000 para el medalla de bronze.
Base na ordinansa, el incentivo de mga entrenadores equivalente na 50 por ciento del incentivos del atletas.
Asegun con Atilano, el 2024 Asian Youth and Junior Weightlifting Championship ya hace desde Deciembre 19 hasta 25, 2024 na Doha, Qatar. (B. Garcia)