El mga autoridad de maritima ya confisca indeterminao cantidad de productos aquatico que ilegalmente ya envia durante un operacion de aplicacion de ley na provincia del Zamboanga del Norte, asegun con el policia del Domingo.
El Zamboanga del Norte Maritime Police Station (ZDN MARPSTA) ya habla con el productos aquatico ya confisca mga ala 1:05 del Jueves tarde na complejo del pantalan de pesca na Barangay Bagting, ciudad de Dapitan.
El mga personajes del ZDN MARPSTA ta conduci operacion de aplicacion de ley de pesca cuando ya ya man topo sila con el transportador de camion de pescao lleno de ilegalmente enviao productos aquatico.
El policia ya habla, inmedietamente ya confisca con el enviao despues que ya falla el chufer del trak presenta permiso to transporte que es un violacion del Fisheries Administrative Order 233 y Seccion 128 del Ley de Republica numero 10654, que ya modifica con el Philippine Fisheries Code del 1998.
El ZDN MARPSTA ya habla, el transportador de camion de pescao ta contene indeterminado valor de enfriao choca.
“Este operacion ta demostra el dedicacion del autoridades de maritima para defende con el leyes de pescarias y salvaguarda con el local recursos de aquatico contra ilegal actividades,” el ZDN MARPSTA ya habla na un anuncio.
Con el trak y laman ya pone bajo’l temporario custodia del del ZDN MARPSTA for proper disposition. (B. Garcia)