El Departamento de Obras Publicas y Carreteras, o DPWH, exitosamente ya completa con el construccion del P49 millones camino de acceso na provincia del Zamboanga Sibugay.
Asegun con el DPWH-Zamboanga Peninsula, el camino de acceso pa anda na mga barangays de Veterans, Lumbia, y Timaling, na municipio del Ipil, el capital del provincia de Zamboanga Sibugay.
Asegun con el proyecto tiene el total largor de 1,430.52 metros lineal que ta inclui el construccion del 6.10 metros anchor, dos carriles cementao camino.
“Este proyecto hay proporciona con mga siembradores y residentes con mejorao acceso de transportacion conectando con mga comunidades agricultural remotas para na principal carreteras,” el DPHW-Zamboanga Peninsula ya habla na un anuncio.
Con este complecion, el DPWH ta continua mejora su dedicacion para apodera con mga comunidades rural y promiviendo sostenible crecimiento economico.
Con el proyecto ya implementa el Oficina de Ingenieria del Segundo Distrito de Zamboanga Sibugay. (B. Garcia)