El 101st Infantry Brigade (101Bde) ya conduci ceremonias de ponida de rango del tres nuevo promocionao oficiales y de retiro en honor na dedicao un suboficial superior del Lunes na Campo Luis Biel, II.
El Campo Luis Biel, II, amo el ta servi como el casa del cuartel del 101Bde na Barangay Tabiawan, ciudad de Isabela, el capital del provincia del Basilan.
Si Brigadier General Alvin Luzon, el comandante del 101Bde, ya encabesa con el ceremonia del ponida de rango del tres nuevo promocionao oficiales nombrao como canda Captain Ariel Amogawen, Captain Niño Daal, y First Lieutenant Veronica Ramos.
El ceremonia es en reconocimiento con el de ila dedicacion, liderato, y exelencia na servicio.
Na su mensaje, si Luzon ya enfatiza cay el promocion hinde lang ta simboliza acomplicimiento pero ta significa tamen este un mas grande responsibilidad.
El ceremonia de retiro ya hace como un tributo con Technical Sergeant Sabturaji Abbong, reconociendo con el de suyu dedicaco años de servicio con el unidad y con el pais.
Si Luzon ya rendi gracias con Abbong y su familia, reconociendo con el de ila sacreficios y inquebrantable suporta na su entero servicio de militar. (B. Garcia)