DAVAO CITY – NAILHAN na ang duha ka mga drivers nga nalambigit sa nag-viral nga video sa social media niadtong Biyernes sa hapon Marso 7, 2025.
Giila kini nga silas alyas Matronillo 55-anyos nga taga-Sto. Nino Matina, driver sa PUJ ug ang taxi driver nga si alyas Antonio, 58 nga taga-Lanzona, Matina Aplaya.
Subay sa imbestigasyon, nagka initay ang duha ka mga driver, gikan pa sa Matina Crossing.
Dugang niini, na Pag-abot duol sa gasoline station, gi-‘flag down’ ni Antonio ang jeep. Apan kalit kining miatras.
Gilipot ni Antonio, kalit nga miabante ang jeep, rason nga mikumbitay si Antonio kilid sa driver’s seat sa jeep, gipawati-watig padagan hangtud nga miliko sa inner lane duol sa Davao Memorial Park nga miresulta sa pagkatagak ni Antonio.
Natagak pa ang usa sa mga pasahero nga giilang si alyas Chris, 20 anyos nga taga-Matina Pangi.
Angol ang taxi driver nga si Antonio ug ang pasahero sa jeep. Ang duha, nangayo’g ‘assistance’ sa mipasutoy nga driver sa ilang galastuhon sa ospital.
Gikustodiya sa PNP ang PUJ driver nga si Matronillo apan gibuhian ra kay milampas na sa ‘reglamentary period’. (Camille Santos Naraga)(Source: Contributed