El Departamento de Obras Publicas y Carreteras o DPWH ya completa con el P90 millon proyecto de cementada de camino na provincia del Zamboanga Sibugay, asegun con el DPWH del Sabado.
Asegun con el DPWH, el completao proyecto ta consisti de 1.985 kilometro lineal de camino acceso que ta conecta con el Barangay Banker para na Barangay Sininan na municipio del Kabasalan provincia del Zamboanga Sibugay.
Asegun con el DPWH, el fondo que ya usa para cementa con el camino estaba na General Appropriations Act (GAA) 2023.
El proyecto ya inclui el instolacion del imbornal, masoneria de piedra, riprap, barandilla de yero, y termoplastico markas de camino para mejora el visibilidad durante el noche.
Asegun con el DPWH, el aumentada del infrastractura ay mejora con el conectividad del mga motorista, ta dale mas seguro y mas eficiente viaje.
Asegun con el DPWH, el mejorao camino ta aumenta tamen con el crecida del econimico local por medio de mejorar el acceso para na mercado, ta reduci el gastos de transportacion, y y atrae inversion potencial del lugar.
Asegun con el DPWH, hinde lang el mga vivientes el esperansao beneficia con el mejorao condicion del camino pero hasta negocio tamen y en general el condicion economico del Barangay Sininan y del mga sercanos comunidad. (B. Garcia)