Zamboanga: 1 SLI persona arestao na campaña contra droga

0
7
photo courtesy of APC-WM

Un persona clasificao como el street level individual (SLI) el ya aresta y ya confisca droga ilegal el mga autoridad na un operacion de compra busto na provincia del Zamboanga Sibugay, asegun con el Area Police Command-Western Mindanao (APC-WM) Sabado.

El APC-WM ya nombra lang con el arestao SLI suspechao como si alias Agaw, 27 años el edad y residente del Purok Climaco, Barangay Upper Pangi, Ipil, Zamboanga Sibugay.

Asegun con el APC-WM, con Agaw ya aresta despues que ya vende le un sobrecito de shabu con un pulis quien ya pretende como comprador de droga durante el operacion de compra busto del ante-ayer na Purok Gumamela, Barangay Taway, Ipil.

Asegun con el policia, ya confisca na posesion de Agaw seis sobrecitos de suspechao shabu, un bolsa de cuero, un papel, y P500 dinero de compra busto.

Con Agaw ta detene na quartel del policia na municipio del Ipil en preparacion para el plantada del caso contra conele por violacion de Ley Integral de Drogas Peligrosas de 2002. (B. Garcia)

Leave a Reply