El Departamento de Obras Publicas y Carreteras, o DPWH, ya completa el implementacion del P44.1 millones valor de proyecto de control de inundaciones llevando alivio con mga residentes na canto del rio na uno del mga barrios na provincia del Zamboanga del Norte, asegun con el DPWD del Viernes.
Asegun con el DPWH-Zamboanga Peninsula, con el proyecto de control de inundaciones ya construi na canto del rio del Barangay Ramon Magsaysay, Salug, Zamboanga del Norte.
Asegun con el DPWH-Zamboanga Peninsula, el proyecto tiene el total largor de 198.5 metros con alocacion de P44.1 millones que ta inclui tamen el instolacion de farolas solares.
“El complecion de este proyecto ta marca un positivo paso para mejora el seguridad y resiliencia del mga residentes del Ramon Magsaysay,” el DPWH-Zamboanga Peninsula ya habla na un anuncio.
Asegun con el DPWH-Zamboanga Peninsula, con el proyecto ya implementa el Oficina de Ingenieria del Tercer Distrito del agencia na municipio del Labason, Zamboanga del Norte.
El Oficina de Ingenieria del Tercer Distrito del DPWH ta esta comitido para entrega proyectos que hay mejora el calidad del vida del mga comunidades que ta servi sila. (B. Garcia)