El Departamento de Obras Publicas y Carreteras, o DPWH, ya construi P39 millones proyecto de proteccion costera na Barangay Labuan, ciudad de Zamboanga.
Asegun con el oficina regional del DPWH, el objetivo del proyecto amo para proteje ambos vidas y propiedades desde’l peligro ta causa el grande marejadas.
Asegun con el DPWH, el proyecto tiene el largor de 140 metros lineal de proteccion de costera.
El DPWH a habla, el nuevo construido estructura tiene el altor de 3.9 metros con el anchor de fundacion de sinco metros.
El proyecto deseñado resisti fuerzas poderosas de marejadas, ofreciendo un mas fuerte liña de defensa para del comunidad costera.
El completada del proyecto ta lleva un gran alivio con mga residentes, particularmente mga pescador quien ta queda serca na costera y el mas vulnerable na tifun y marejadas ciclonicas.
Con el proyecto ya implementa el Oficina de Ingenieria del DPWH na Segundo Distrito del ciudad de Zamboanga. (B. Garcia)