Total del 1,867 individuales el ya beneficia na tres dias de Programa de Accion Civica Medica, o MEDCAP, na uno del mga municipios na provincia del Sulu, asegun con el militar del Sabado.
Asegun con el 4th Civil Relations Group (4CRG), el MEDCAP ya conduci desde Miercoles hasta Viernes na municipio del Indanan, Sulu.
Asegun con el 4CRG, el MEDCAP ya dale esencial servicios con mga residentes del 34 barangays na municipio de Indanan que ta inclui consultaciones medical, inmunizacion, servicios dentales, prenatal, y chequiada de ojos, cirugia menor, apoyo psicologico, libre cortada de pelo, y actividades de recreacion para del mga bata.
Asegun con el 4CRG, el conducida del MEDCAP ya refuerza con el relaciones entre el fuerza militar, gobierno local, y el comunidad, fomentado confianza y buena voluntad.
El conducida del MEDCAP ya inicia el 1103rd Infantry Brigade hunto con el 100th Infantry Battalion, 6th Special Forces Battalion, 15th Civil Military Operations Battalion, Camp Teodulfo Bautista Station Hospital y el 11Th Dental Detachment en asociacion con el Philippine General Council of the Assemblies of God (PGCAG), Sulu Tawi-Tawi Dental Association, y otro partes interesadas como el Municipal Disaster Risk Reduction Management Office, Ministry of Social Services Development, Rura Health Unit y el gobierno local del municipio de Indanan.
Asegun con el 4CRG, el tema del MEDCAP es “Sama sama tungo sa kalusugan, Kaunlaran at Kapayapaan”. (B. Garcia)