Un vehiculo el ya destrosa parcialmente na un incidente de incendio na uno del mga centro de negocios na ciudad de Zamboanga, asegun con el Zamboanga City Fire District (ZCFD) del Sabado.
Asegun con Inspector Noel Wee, el encargao del ZCFD, el incidente ya ocuri mga ala 1:20 del Viernes tarde na parada del basamento del KCC Mall de Zamboanga na Barangay Camino Nuevo, ciudad de Zamboanga.
Asegun con Wee, apagao ya el fuego cuando ya llega mga bombero na lugar del incidente.
Si Wee ya habla, P10,000 el cantidad del estimao destroso de propiedad ya causa el incendio.
Asegun con Wee, ta continua el de ila investigacion para determina el verdad causa del incendio. (B. Garcia)