El Departamento del Obras Publicas y Carreteras o DPWH ya completa mejora con el dos secciones de camino del Dipolog-Sindangan-Liloy que ya resulta na mejorada del accesibilidad na municipio del Sindangan, Zamboanga del Norte, el DPWH ya anuncia del Viernes.
Asegun con Enginiera Cayamombao Dia, el director regional del DPWH, el completao secciones ta inclui el reconstruccion del 4.4 kilometros porcion na Barangay Manawan, Jose Dalman y el cementada del 1.5 kilometros porcion na Barangay Motibot, Sindangan.
Asegun con Dia, el proyecto na Barangay Manawan tiene el valor de P49 millones mientras P29.4 millones el na Barangay Motibot.
“El buen condicion del camino na dos secciones del camino principal ta asegura ahora el segurao y lijero viaje para con el mga motorista anda na mga lejanos lugar na Sindangan,” ya habla si Dia.
“El mga residents del dos barangays hay beneficia tamen con el aflojao acceso na servicios basico, mercado, y otro establisimiento comercial que ya estimula el cresida del econimico local,” si Dia ya habla.
El rehabilitacion y proyectos de cementada ya implementa el oficina de enginieria del segundo distrito del DPWH na provincia del Zamboanga del Norte. (B. Garcia)