El mga residentes y viajeros ta beneficia ya ahora con el nuevo completao camino costera na provincia del Zamboanga del Sur, asegun con el Departamento de Obras Publicas y Carreteras, o DPWH, del Lunes. Este ya vene despues que el DPWH ya completa con el cementada del P15.84 millones proyecto de camino que ta conecta con el Barangay Bui-os na municipio de Vincenzo Sagun para na cruzada del Barangay San Roque na municipio del Margosatubig, Zamboanga del Sur. Asegun con el DPWH-Zamboanga Peninsula, el alocacion del fondo para el cementada de 6.7 kilometros camino con gruesor de 0.28 metros estaba na Ley General de Asignaciones de 2024. “Este vital proyecto de infraestructura ta reduci el hora del viaje, mejora el seguridad del camino, y facilita suave transportacion para del viajeros y negocios,” el DPWH-Zamboanga Peninsula ya habla na un anuncio. “El mga siembradores y pescadores puede ya ahora mas eficientemente transporta mercancias, impulsando el comercio local y busca lavida,” el DPWH-Zamboanga Peninsula ya omenta. Ademas, asegun con el DPWH, el mejorao condicion del camino hay facilita lijero respondida de emergencia y acceso na servicio de ciudada de salud. El Oficina de Ingenieria del DPWH na Segundo Distrito del Zamboanga del Sur exitosamente ya implementa con el proyecto. (B. Garcia)