El gobierno del ciudad de Isabela ya compra valor de P1.5 millones vehiculo para usa el Bureau of Fire Protection (BFP), o bombero del ciudad, na respondida de emergencia. Asegun con el Oficina de Informacion Publico del ciudad de Isabela, con el vehiculo ya compra bajo del plano de 2024 de paz y orden y seguridad publica. Si Alcalde Sitti Djalia Turabin-Hataman oficialmente ya entrega de este dia de Lunes con el nuevo comprao vehiculo na bombero del ciudad. Con el nuevo comprao vehiculo ya
recivi durante un simple ceremonia de entrega si Senior Inspector Vincent Toribio, el interino jefe de bombero del ciudad. El nuevo vehiculo esperansao mejora el capabilidades responde emegencia, asegurando el lijero y mas eficiente operaciones de rescate para el seguridad y bienestar del todo Isabeleños. Si Toribio ya rendi su profundo gratitud con Hataman por el suporta que ta dale canila. (B. Garcia)