El Departamento de Obras Publicas y Carreteras, o DPWH, actualmente ta hace P108.9 millones proyecto de camino de acceso conectando dos barrios na Isla de Malamawi, ciudad de Isabela, Basilan.
Asegun con el DPWH-Zamboanga Peninsula, el camino de acceso ta conecta con el Barangay Lubuton y Barangay Panigayan pa andada na aplaya blanco na isla de Malamawi.
Asegun con el DPWH, antes ya comenza el proyecto, el camino para na lugar turistico mabagsak y hinde cementao, haciendo dificil el acceso na lugar ambos con mga turista y residentes.
“Con el mejorao accesibilidad, el numero del turista ta visita na lugar ya aumenta,” el DPWH-Zamboanga Peninsula ya habla na un anuncio.
El DPWH ya habla, el proyecto de 5.44 kilometros de carril es financiado bajo el Ley de Asignaciones Generales de 2025 y es en convergencia con el Departamento de Turismo, con alocacion de P108.9 millones.
Una vez completa, el proyecto esperansao impula turismo y crea opotunidades de busca lavida para con mga residentes del dos barangays.
Con el proyecto ta implementa el oficina de ingenieria del DPWH na distrito del ciudad de Isabela. (B. Garcia)