El 53rd Infantry Division (53IB) ya conduci ceremonia de reconocimiento en honor del mga excelente personajes y formalmente ya recivi con el nuevo designao soldao na batallon, asegun con el militar del Martes.
El ceremonia ya hace del Lunes na cuartel del 53IB na Barangay Poblacion, Guipos, Zamboanga del Sur.
Asegun con el 53IB, con el mga ya honra excelente personajes amo canda Technical Sergeant Albert Caño, Staff Sergeant Francisco Remotique, Jr., Sergeant Dionard Jauculan, y Corporal Cris Jhaymer Zapata.
Si Teniente Coronel Rolando Vargas, Jr., el comandante del 53IB ya presenta el mga premios hunto con el official ejecutivo y sargento mayor del batallon.
Siguiendo el premacion, oficialmente ya recivi con Private First Class Wilmar Takilid como el nuevo designao soldao na 53IB.
Durante el evento, si Caño ya dale mesaje de gratitud en calor del mga premiados, expresando de ila apreciacion por el reconocimiento.
Si Takilid ya expresa su excitacion man hunto na batallon y contribui na mision del mando. (B. Garcia)