El Departamento de Salud, o DOH, hay transferi con el Labuan General Hospital (LGH) desde Barangay Labuan para na complejo del Zamboanga Economic Zone Authority (Ecozone) na Sitio San Ramon, Barangay Talisayan, ciudad de Zamboanga.
Ese el cosa ya anuncia si Doctor Joshua Brillantes, el director regional del DOH, hablando el objetivo del transferida del LGH amo para mas mejor servi con el mga paciente del mga sercanos barrios na costa oeste del ciudad.
Si Brillantes ya habla del Martes cay ta construi ya con el edeficio de administracion del LGH na complejo del Ecozone.
“Eventualmente, hay transferi con el LGH para na Ecozone dentro de sinco años,” ya habla si Brillantes.
Asegun con Brillantes, el DOH ya aloca P68 millon del 2023 y P64 millon del 2004 para el implementacion del proyecto.
Asegun con Brillantes, el objetivo na transferida del LGH amo para eleva na nivel 2 con el hospital para puede ofrece mas mucho servicio.
Si Brillantes ya habla, el el nuevo LGH na Ecozone hay tene sinco andanas y hay tene lugar de sinco hectarias. (B. Garcia)