Pasada alas syete del aga enante, el maga personahes del SOU 9, PNP DEG na liderato di PLT Buban hunto con CDEU-ZCPO, ZCPS3 y CIDG ya conduci un anti-illegal drug operation na Purok 3, Barangay Sangali, en este ciudad.
El mencionao operacion ya resulta na aresto di Mary Joy Gumabras Jailani alyas Joy (HVI), mujer, legal de edad separtae y residente de Purok 3, Barangay Sangali, en este ciudad.
Durante el operacion, ya confisca na posesion del suspechao un pakete de alegaomente shabu con standard drug price de tres cientos cuarenta mil pesos que ta pesa mas de o menos sincuenta gramo, un Vivo android smart cellphone color asul y un bill de sinco cientos pesos como markao sen plantaw insima del boodle money que ya usa asegun como buy-bust money.
El suspechao persona ta esta ya awra baho na kustodiya del SOU 9, PNP DEGÂ en preparasyon por el plantada de propyo kaso na korte. (April Boy Regino)