El oficina rehyonal del Departamento de Medio Ambientes y Recursos Naturales (DENR) y mga partes interesadas ya participa na actividad de siembrada de palo na entero pais del Miyercoles, Septiembre 13, en celebracion del “Philippine Bamboo Month” y compleaño del Presidente Ferdinand Marcos, Jr.
Asegun con el oficina rehyonal del DENR cay total de 3,050 similia de palo el ya siembra el mga 539 participantes desde’l mencionao agencia y desde’l diferentes sector.
Na total de 3,050 similia ya siembra, 2,258 ta composita mga pono de caña y 492 similia de diferentes clase de palo que ta incluwi Lumbayao, Lauan, Almaciga, Yakal y Nato.
Asegun con el DENR, con el mga similia de caña y palo ya siembra na mga siguientes lugar: Tipan, Naga, Zamboanga Sibugay; Butong, Diplahan, Zamboanga Sibugay; Upper La Paz, Zamboanga City; Sigacad, Bayog, Zamboanga del Sur; Duelic, Midsalip, Zamboanga del Sur; Upper Pulacan, Labangan, Zamboanga del Sur; New Tangub, Sergio Osmeña, Zamboanga del Norte; S. Cabral, Siocon, Zamboanga del Norte; Linay, Manukan, Zamboanga del Norte; y, Kipit, Labason, Zamboanga del Norte.
El actividad amo para ase acorda con el publico el mga beneficio ta dale el caña y reconose el contribucion de este na desarollo social y economico nacional.
El actividad es un suporta con el “socio-econimic agenda” de Presidente Marcos nombrao como el “Lingap at Alagang Bayanihan”.
El DENR, hunto con el diferentes sector ay bisia con cirsida del mga seimbrao similia y para empoja actividades de cultivada de pono’y palo. (B. Garcia) (Photo Courtesy of DENR-9)
