Nasurol a 2.7 milyon a pisos amin ti naibunong ni Gobernador Matthew Marcos Manotoc kabayatan ti distribution ti Emergency CashTransfer ti Dept.of Social Welfare and Development iti Paoay Civic Center.
Kuna ti gobernador a dayoty ket maikaduan a bansada a panangibunongna ti tulong financial kadagiti pamilya a naapektaran iti napalabas a bagyo goring.
Kunana pay ti gobernador a kas iti dati 13, 500 a pisos ti inawat iti tunggal maysa a pamilya.
Umabot met iti 283 amin dagiti nagbalin a benepisyaryo iti ili a Paoay nga immawat iti ECT.
Inlawlawagna a pagyamanan ti gobierno nasional kangrunaanna ni DSWD Secretary Rex Gatchalian gapu iti dakkel a tulong daytoy kadagiti kaprobinsiaan.
Indawat na met kadagiti saan pay a naipaayan iti tulong a nakaro a naapektarn ti bagyo goring nga ireport wenno agpakaammo tapno maipaayan met dagitoy iti saranay.
Kabayatanna, uppat met a Persons with Dis-abilities wenno PWD’s ti naipaayan iti 3 ribu a pisos tunggal maysa.
Ti nasao nga kantidad ket kas badang pay laeng ti gobierno kadakuada nga addaaan iti rangkap ti bagi.
Impasigurado met gobernador nga adda laeng daytoy a tumultulong kadagiti kaprobinsiaan panawen man iti kalamidad wenno ordinsryo nga aldaw.
Author: Rod Sadian
Source: PGIN-CMO