Ya Elegi con el presidente del Sangguniang Kabataan (SK) del ciudad de Zamboanga Carol Julianne Dalipe, como el nuevo presidente del federacion nacional del SK.
Ese ya vene despues que si Dalipe ya puede adqueri 58 por ciento del voto durante el eleccion que ya hace na ciudad de Baguio del Viernes.
El eleccion del mga nuevo oficiales del federacion nacional del SK ya conduci durante el convencion de joventud que ya atende mga nuevo ya asumi oficiales de los jovenes na entero pais.
Na su mensaje, Si Dalipe ya expresa su gratitud con el mga lider del sector de jovenes de otro lugar por el suporta y confiansa ya dale sila conele.
Ya promete si Dalipe cay ay sirvi le con el sector de jovenes con todo dedicacion, integridad y pasion.
Subrina si Dalipe del Alcalde John Dalipe y Segundo distrito Congresista Jose Manuel Dalipe. (B. Garcia, photo courtesy of City Hall PIO)