El Departamento de Agricultura (DA) ya completa con el construccion y mejoramiento del P48 millones proyecto de sistema de agua potable na uno del mga municipios na provincia del Zamboanga del Norte, asegun con el oficina regional de DA.
Asegun con el DA-Zamboanga Peninsula, con el proyecto, que hay beneficia sinco barrios, ya implementa na municipio del Mutia, un sexta clase de municipio na provincia del Zamboanga del Norte.
El municipio de Mutia tiene el total de 16 barrios con el populacion de 11,726 base na censo del año 2020.
Asegun con el DA-Zamboanga Peninsula, el proyecto nombrao como el Alvenda-Buenasuerte-Tinglan-San Miguel-Totongan nivel dos sistema de agua potable.
Asegun con el oficina regional del DA, con el proyecto ya implementa con el fondo bajo el DA’s Philippine Rural Development Project (DA-PRDP) Second Additional Financing y ya man co-financed el European union (AF2-EU).
Si Marcos Aves Sr., el ejecutivo director regional del DA y el director del proyecto regional, ya encabesa con el entrego del proyecto del Jueves con el Alcalde Lorrimyr Adasa del municipio del Mutia.
Presente durante el occasion el otros mga oficiales del oficina regional del DA, del municipio de Mutia, incluido mga oficiales de beneficiarios barrios. (B. Garcia)Â