Cuatro myembros del grupo Abu Sayyaf el ya rindi con maga authoridad alla na municipio de Luuk na provincia de Sulu.
Asegun con Coronel Richard Verceles, el operations chief del Area Police Command-Western Mindanao, con el cuatro que ya rindi ya conose como el mga siguentes: Amjah Arah, sincuenta años; Asali Maali, cuarenta’y siete; Majing Aminulla, treynta’ siete; y si Aidil Sadidul, cuarenta’y sinco años el edad.
Asegun con Verceles el cuatro myembros del grupo Abu Sayyaf ya rindi maga alas tres del Domingo tarde alla na Barangay Tanduh Bato na municipio del Luuk.
Con el cuatro ya pone bajo el custodiya del Regional Intelligence Unit-9 para el custodial debriefing.
El rindida del cuatro myembros del grupo Abu Sayyaf ya facilita el pulisiya, military, y el National Intelligence Coordinating Agency aqui na rehyon. (Bong Garcia, Jr., photo courtesy of Criminal Investigation and Detection Group IX)