El maga personajes del Police Station 6 ya aresta con un Cuarenta’y sinco anios persona anoche na Barangay Mampang en este ciudad.
El Police Station 6 ya nombra con el suspechao como si Warlito Roxas y Alimbullo alias “Pali”, Cuarenta’y sinco anios el edad, soltero,y residente del Barangay Mampang en este ciudad.
Asegun con el pulisiya, ya puede confisca na posesyon de Roxas sinco pakete de suspechao shabu que tiene pesades de zero punto otso gramo y tiene estimao valor de sinco mil, cuatro cientos,Cuarenta pesos y dos pedaso cien pesos que ya sirvi como markao sen.
Con Roxas ya detene na quartel del Police Station 6 y esperansao planta formal caso contra con ele. (April Boy Regino)