El maga personajes del Second Zamboanga City Mobile Force Company huntu con el Police Station 10 ya aresta con el un treynta’y cuatro anios persona que ta juega estos Domino y con el desuyu maga compañero ya escapa cuando ya puede mira el presensya del autoridad,ayer tarde na Purok 5,Barangay Labuan este ciudad.
El autoridad ya nombra con el suspechao como si Dennis Sali Contreras, treynta’y cuatro anios kasao, un laborer y residente del Sitio Lagpan Barangay Labuan este ciudad.
Asegun con el pulisiya ya puede confisca na posesion del suspechao un set de domino y apuesta sen valor de cientos sesenta de pesos.
Con Sali ya detene na quartel del Police Station 10 y esperansao planta formal asunto contra canila. (April Boy Regino)