El maga personajes del Police Stacion 3 ya recivi llyamada na un concierne persona y ya reporta que tiene incidente de taho ya cccuri na Barangay Lapakan en este Ciudad.
Cuando ya recivi el reportao incidente encigidas ya responde na mencionao lugar el personahes del Police Station 3 ,con el victima ya conose como si Samuel Napalcruz Manuel, treynta’y tres anios el edad kasaw y residente de Purok 3, Barangay Lapakan y con el suspechao ya conose como si Genaro Falcasantos Rebollos Jr., Cuarenta’y seis anios el edad, kasaw y residente del Fisherman Village, Barangay Manicahan, en este ciudad.
Base na investigasyon que ya conduci el Police Station 3 asegun con el maga bystanders el victima si Napacruz y el suspechao si Falcasantos tan tomahan aquel maga tiempo y ya pasa cuantos maga minuto ya tiene sila caliente argumento.
Asegun con el autoridad el anak del suspechao ya precura pa aregla canila, pero ya llevanta asegun el victima pero ya hala bolo el suspechao y ya tahya con Napalcruz y ya sustene este irida na lao eskierda cara depues ya lleva core na Zamboanga City Medical Center para el curada medical.
Na follow up operation del Police Stacion 3 ya puede aresta con Falcasantos y ahora detenido na quarter del mentionao stasyon para el propio desposisyon. (April Boy Regino)