El Oficina de Bienestar Social y Desarollo del Ciudad, o CSWDO, ya conduci del Martes un entierro masivo na cementerio del ciudad na Barangay Talabaan, ciudad de Zamboanga.
Asegun con el CSWDO, total de 23 cadavers, que nohay quien ya saca serca un año, el ya enterra durante del entierro masivo.
Asegun con el CSWDO, con el mga cadavers ya dale el ritos apropiados para del muerto antes que ya enterra canila na fosa comun.
El CSWDO ya habla, 13 del 23 cadavers ya enterra amo mga hombres, cuatro mojeres, seis con genero desconocido.
El mga cadavers ta inclui victimas de crimen, mga indivicuales ya encontra na mga abandonao lugar, y aquellos quien ya muri de causas natural na mga hospital publico o na mga calles del ciudad.
Asegun con el CSWDO, el 23 cadavers ya deposita na morgue local dentro de un año y nohay quien ya saca a persar del esfuerzos para busca con el de ila familiares y amigos. (B. Garcia)