El gobierno local ya distribui ayuda financial con mga familiares quien ya queda victimas de separao incendios na ciudad de Zamboanga.
Asegun con el Oficina de Bienestar Social y Desarollo del Ciudad, o CSWDO, el distribucion del ayuda financial del otro dia ya encabesa el Alcalde John Dalipe.
Asegun con el CSWDO, el mga beneficiarios del ayuda financial ta inclui el sinco familiares de quien mga casa ya quema del Enero 20, 2024 na Barangay Campo Islam.
El CSWDO ya habla, el otro mga beneficiarios del ayuda financial amo el tres familiares que ya desplaza del Marso 4, 2024 incendio na Barangay Sta. Maria.
Ya recivi sila ayuda financial na cantidad desde P3,000 para P5,000 cada familia depende na classification del propiedad del casa y el grado del daños incurrido durante el incidente del incendio.
El distribucion del ayuda financial ya facilita el CSWDO. (B. Garcia)